Alto Cutelo - Renato Cardoso

Título: Alto Cutelo
Autor:Renato Cardoso

Na altu kutelu sinbron dja ka ten (dja seka)
Raiz stikadu djobe água, k'atcha (dja seka)
Água sta fundu e ni homi ka tral (dja seka)

Mudjer um semana sê lumi ka sendi (na kasa)
Sê fidjo, na strada sô um ta trabadja (pa dozi mirés)
Marido dja dura ki bai pa Lisboa (kontratado)
Pa bai pa Lisboa el bendi sê tera (metadi di preço)

Ali, el ta trabadja na tchuba na bentu (na frio)
Na Kuf, na Lisvanani i na Jota Pimenta
Mon d'obra barato, pa mas ki trabadja (serventi)
Mon d'obra barato, baraka sen lus (kumida a presa)
Inda mas enganadu ku s'irmon branku (esplorado)

Ma um dia, ke m'vra pa terra
Monti Gordu i Malaguéta
Nhos ten ki dan água
Ku força na braço, konsciencia di mi,
E mi ki trabadja, terra i poder ê pa mi
Ku sinbron na kutelo (nôs terra)
Midjo na tchon (nôs terra)
I barko no porto (nos terra)