Terra Bô Sabê - Renato Cardoso

Título: Terra Bô Sabê
Autor: Renato Cardoso

Tera bo sabê kê mistid um xis tantu
Pa kada homem vivê sima gente

Ma nhas brose, o terra, t'abituod ta batê
Rijo, sek y frok
Sima karise na smentera d'gent
Pa d'pôs n'bem fká
K'nhas mon na féria,
Na miséria d'um tchuba ki ka bem,
ô tambor bazio,
N'abuze d'partidja ma renda
P'aquês ki ka trabaia.

Ones d'impresa estranger
Sem raforma nem pensão,
Doença na rosega,
Liberian, greg, Holanda,
Fidju sen skôla,
Amdjer largód, num vida dur
Di fazê dnher pa otes gorda.

Ma nôs mar e péska,
Ma nôs peska e martiriu
Di luarada na mar.
Bote, brose y linha,
Un pexe y mei pa kada um
K'fidj na kaza.